ကျွန်မဖေဖေ သိပ်ကြိုက်တဲ့ဟင်းစပ်လေးပါ.. ထမင်းကို ပဲဟင်းလေးနဲ့နယ် ဘာလချောင်ကြော်ကို သခွားသီးလေးနဲ့မြှုပ်ပြီးတစ်လုပ်စား.. ကြက်ဥကြော်လေးနဲ့တစ်လုပ်စား.. မြိန်မှမြိန်ပေါ့.. ချက်ရတာလဲ လွယ်တယ်လေ..
ဘာလချောင်ကြော်အတွက်
ပုဇွန်ခြောက်မှုန့်
ငရုတ်သီးအရောင်တင်မှုန့်
ငံပြာရည်
ဆီ
ကြက်သွန်ဖြူကြော်
ကြက်သွန်နီကြော်
ကြက်သွန်ဖြူ၊ နီတွေကို ကိုယ်တိုင်ကြော်ရင်တော့ ပိုကြာမှာပေါ့.. ကျွန်မက ကြော်ပြီးသားအဆင်သင့်ဝယ်လိုက်တယ်.. ဒယ်အိုးထဲကို ဆီထည့်.. ငရုတ်သီးအရောင်တင်မှုန်ထည့်ပြီး ဆီသတ်ပါ.. အစပ်စားချင်ရင် ငရုတ်သီးခွဲကြမ်းနဲ့ကြော်ပါ.. ငရုတ်သီးမှုန့်စိမ်းနံ့ပျောက်ပြီး မွှေးလာမှ ပုဇွန်ခြောက်မှုန့်ထည့်ပြီး ငံပြာရည်နည်းနည်းဖြန်းပေးပါ.. ခြောက်ပြီးမွလာတဲ့အထိကြော်ပြီး အအေးခံထားပါ.. အေးသွားမှ ကြက်သွန်ကြော်တွေထည့်ပြီး သမအောင်မွှေလိုက်ပါ.. အရသာရှိလှတဲ့ ဘာလချောင်ကြော်ရပါပြီ..
ပဲနီလေးဟင်းချိုအတွက်
ပဲနီလေး
ကြက်သွန်နီ
နနွင်းမှုန့်
ဆီ
ပဲနီလေးကို ရေများများထည့်ပြီးပြုတ်ပါ.. ပဲနူးသွားရင် ကြက်သွန်နီပါးပါးလှီးထားတာကို ဆီနည်းနည်းနဲ့ နနွင်းလေးနဲ့ဆီသတ်ပြီး ထည့်ပေးပါ.. ဆားလိုသလောက်ထည့်ရင် ရပြီပေါ့..
ကြက်ဥကြော်အတွက်
ကြက်ဥ
ကြက်သွန်နီ
ဆီ
ကြက်သွန်နီကိုပါးပါးလှီးပြီး နည်းနည်းနွမ်းအောင်အရင်ကြော်ပါတယ်.. ပြီးမှ ကြက်ဥခေါက်ထားတာလောင်းထည့်တာပေါ့.. ကျွန်မကတော့ ကြွပ်အောင်ကြော်တာကြိုက်ပါတယ်..
ကဲ.. စားကြရအောင်နော်..
No comments:
Post a Comment