ဘာလချောင်ကြော်၊ ကြက်ဥကြော်နဲ့ ပဲနီလေးဟင်းချို

ကျွန်မဖေဖေ သိပ်ကြိုက်တဲ့ဟင်းစပ်လေးပါ.. ထမင်းကို ပဲဟင်းလေးနဲ့နယ် ဘာလချောင်ကြော်ကို သခွားသီးလေးနဲ့မြှုပ်ပြီးတစ်လုပ်စား.. ကြက်ဥကြော်လေးနဲ့တစ်လုပ်စား.. မြိန်မှမြိန်ပေါ့.. ချက်ရတာလဲ လွယ်တယ်လေ..

ဘာလချောင်ကြော်အတွက်

ပုဇွန်ခြောက်မှုန့်

ငရုတ်သီးအရောင်တင်မှုန့်

ငံပြာရည်

ဆီ

ကြက်သွန်ဖြူကြော်

ကြက်သွန်နီကြော်

ကြက်သွန်ဖြူ၊ နီတွေကို ကိုယ်တိုင်ကြော်ရင်တော့ ပိုကြာမှာပေါ့.. ကျွန်မက ကြော်ပြီးသားအဆင်သင့်ဝယ်လိုက်တယ်.. ဒယ်အိုးထဲကို ဆီထည့်.. ငရုတ်သီးအရောင်တင်မှုန်ထည့်ပြီး ဆီသတ်ပါ.. အစပ်စားချင်ရင် ငရုတ်သီးခွဲကြမ်းနဲ့ကြော်ပါ.. ငရုတ်သီးမှုန့်စိမ်းနံ့ပျောက်ပြီး မွှေးလာမှ ပုဇွန်ခြောက်မှုန့်ထည့်ပြီး ငံပြာရည်နည်းနည်းဖြန်းပေးပါ.. ခြောက်ပြီးမွလာတဲ့အထိကြော်ပြီး အအေးခံထားပါ.. အေးသွားမှ ကြက်သွန်ကြော်တွေထည့်ပြီး သမအောင်မွှေလိုက်ပါ.. အရသာရှိလှတဲ့ ဘာလချောင်ကြော်ရပါပြီ..

ပဲနီလေးဟင်းချိုအတွက်

ပဲနီလေး

ကြက်သွန်နီ

နနွင်းမှုန့်

ဆီ

ပဲနီလေးကို ရေများများထည့်ပြီးပြုတ်ပါ.. ပဲနူးသွားရင် ကြက်သွန်နီပါးပါးလှီးထားတာကို ဆီနည်းနည်းနဲ့ နနွင်းလေးနဲ့ဆီသတ်ပြီး ထည့်ပေးပါ.. ဆားလိုသလောက်ထည့်ရင် ရပြီပေါ့..

ကြက်ဥကြော်အတွက်

ကြက်ဥ

ကြက်သွန်နီ

ဆီ

ကြက်သွန်နီကိုပါးပါးလှီးပြီး နည်းနည်းနွမ်းအောင်အရင်ကြော်ပါတယ်.. ပြီးမှ ကြက်ဥခေါက်ထားတာလောင်းထည့်တာပေါ့.. ကျွန်မကတော့ ကြွပ်အောင်ကြော်တာကြိုက်ပါတယ်..

ကဲ.. စားကြရအောင်နော်..

အစုံသုပ်

ကျွန်မကျားကျားရဲ့ တောင်းဆိုချက်အရ လုပ်စားကြတဲ့ အစုံသုပ်ပါ.. အမယ်များလေ လက်ဝင်လေပေါ့..

လိုအပ်သမျှ

ဂျုံကြာဆန်၊ ဂျုံခေါက်ဆွဲ

ပဲပြား

ပဲပင်ပေါက်

သင်္ဘောသီး

ဂေါ်ဖီထုပ်

သခွားသီး

အာလူး

ကြက်သွန်ဖြူ+နီ

မကျည်းသီးမှည့်

ငံပြာရည်

ဆီ+နနွင်းမှုန့်+ငရုတ်သီးမှုန့်

ပဲမှုန့်

ပုဇွန်ခြောက်မှုန့်

ဂျုံကြာဆန်ကို ရေစိမ်ထားတုန်း သင်္ဘောသီးကိုခြစ်ထား.. ဂေါ်ဖီ၊ ကြက်သွန်နီ ပါးပါးလှီးထား.. ပဲပင်ပေါက်ကို ရေနွေးဖျောထားရပါမယ်.. အာလူးကိုတော့ပြုတ်ပြီးပါးပါးလှီး.. ပဲပြားကို ရွှေရောင်သန်းလာအောင် ကြော်ပြီးညှပ်ထားပါ.. ထမင်းနည်းနည်းကို ငရုတ်သီးရောင်တင်မှုန့် ဆီသတ်ထားတာလေးနဲ့ ဖွဖွနယ်ထားပါ.. ကြက်သွန်ဖြူထောင်းထားတာကို နနွင်းမှုန့်လေးနဲ့ ဆီချက်ဝါ၀ါလေး ချက်ထားပါ.. အချဉ်ရည်အတွက် မကျည်းသီးမှည့်ရေဖျော်ထားတာထဲ ကြက်သွန်ဖြူနည်းနည်းထောင်းထည့် ငရုတ်ဆီနည်းနည်းရောထည့်ပါတယ်.. ရေစိမ်ထားတဲ့ကြာဆန်ကို ပြုတ်ရပါမယ်.. ပဲမှုန့်တွေ ပုဇွန်ခြောက်မှုန့်တွေ အဆင်သင့်ဖြစ်ပြီဆိုရင်တော့ အသုပ်စုံစားလို့ရပါပြီ.. အစာပလာတွေအစုံထည့်ပြီး နှံ့အောင်နယ်လိုက်ရင် အိုကေပြီပေါ့.. ချဉ်ငံစပ် ကြိုက်သလိုသာသုပ်စားပေတော့.. ဟင်းခါးလေးနဲ့ဆို လိုက်မှလိုက်.. ကျွန်မကတော့ အိမ့်စည်းစိမ်အထုပ်ဖောက်ချက်ပြီး ဂေါ်ဖီခတ်လိုက်တယ်.. ကောင်းမှကောင်းနော်..

ဝါတွင်းမှာသက်သတ်လွတ်စားရအောင်

ဝါတွင်းကာလမှာ သက်သတ်လွတ်စားကြမယ့်သူတွေအတွက် တနေ့ကချက်စားဖြစ်တဲ့ သက်သတ်လွတ်ဟင်း အလွယ်လေးတွေပါ.. ဟင်းစပ်လေးက ခံတွင်းလိုက်စေတာတော့အမှန်.. ကျားကျားကတောင်ပြောနေတယ်.. ခုလိုမျိုးဟင်းတွေနဲ့သာဆို တသက်လုံးတောင် သက်သတ်လွတ်စားနိုင်တယ်တဲ့..

ပဲပြားသုပ်အတွက်

ပဲပြား

သခွားသီး

ကြက်သွန်ဖြူ + နီ

ဆီ + ဆား

ပဲမှုန့် + ငရုတ်သီးမှုန့်

မကျည်းသီးမှည့်

ပဲပြားတစ်တုံးစီကို ၄ချပ်လှီးပြီး ဆီများများထဲမှာ နှစ်ကြော်ပါတယ်.. ရွှေရောင်သန်းပြီး ကြွတက်လာမှ နောက်တစ်ဖက်ကိုလှန်ပေးပါ.. မဟုတ်ရင်ကျေမွသွားတတ်လို့.. ကြော်ပြီးတဲ့ပဲပြားတွေကို စကာလေးထဲမှာ ဆီစစ်ထားတုန်း အသုပ်အတွက် ကြက်သွန်ဖြူဆီချက်ချက်ပါ.. သခွားသီးကို ချောင်းသေးသေးလေးတွေရအောင် လှီးထား ကြက်သွန်နီကိုလဲ ပါးပါးလှီးပြီး ရေဆေးထားပေါ့.. မကျည်းမှည့်လေးကို ရေနွေးလေးနဲ့ပျစ်ပျစ်ဖျော်ထားပါ.. အားလုံးအဆင်သင့်ဖြစ်ပြီဆို ပဲပြားကြော်ကိုညှပ်.. အဆာပလာတွေထည့်ပြီး နှံ့အောင်နယ်လိုက်ရင် အရသာရှိလှတဲ့ သက်သတ်လွတ်ပဲပြားသုပ်ရပါပြီ..

ကန်ဇွန်းပလိန်းအတွက်

ကန်ဇွန်းရွက်

ကြက်သွန်ဖြူ

ဆီ + ဆား

ကော်မှုန့်

ကန်ဇွန်းရွက်ကို အရွက်သပ်သပ် အရိုးသပ်သပ်ခြွေထားပါ.. အရိုးကို ထက်ခြမ်းခွဲပြီးခြွေရင် ပိုစားကောင်းပါတယ်.. ကြက်သွန်ဖြူခပ်များများလေး ခွာပြီးထုထားပါ.. ဆီနည်းနည်းနဲ့ကြော်ပါမယ်.. ဆီပူလာရင် ကြက်သွန်ဖြူထည့် ကြက်သွန်ဖြူနွမ်းလာရင် ကန်ဇွန်းရိုးတွေအရင်ထည့်ပါ.. အရိုးလေးတွေစိမ်းရင့်ရောင်ပေါက်လာမှ အရွက်တွေထည့်.. ဆားထည့် ကော်မှုန့်လေးရေအေးနဲ့ဖျော်ထားတာလောင်းထည့်ပြီး ပူပူနွေးနွေးသုံးဆောင်ပါ..

ခရမ်းချဉ်သီးနမ့်ဖစ်ထောင်းအတွက်

ခရမ်းချဉ်သီး

ပဲပုတ်ပြား

ကြက်သွန်ဖြူ

ငရုတ်စိမ်း + နံနံပင်

ခရမ်းချဉ်သီးနဲ့ ပဲပုတ်ပြားကို မီးကင်ရပါမယ်.. ကျွန်မကတော့ မိုက်ခရိုဝေ့ဖ်ထဲထည့်ပြီး အပူပေးလိုက်တယ်.. ကြက်သွန်ဖြူနဲ့ ငရုတ်စိမ်းကို ညက်အောင်ထောင်းပြီး ပဲပုတ်ကင်လေးပါထည့်ထောင်းပါ.. ခရမ်းချဉ်သီးကို အခွံတွေဖယ်ပြီး အသားချည်းချေထားပါ.. ထောင်းထားတာတွေကို ခရမ်းချဉ်သီးထဲရောထည့် နံနံပင်ညှပ်ထည့် ဆားနည်းနည်းထည့်လိုက်ရင် နမ့်ဖစ်ထောင်းလေးရပါပြီ..

ကျွန်မတို့ရဲ့ သက်သတ်လွတ်ထမင်းပွဲပါ.. ပဲနီလေးဟင်းချိုလေးပါချက်လိုက်တော့ ပိုပြီး စိုပြေသွားတာပေါ့..

ကြာဆန်ချက်နဲ့ ရှောက်သီးသုပ်

ခုလိုမိုးအေးအေးမှာ ကြာဆန်ချက်ပူပူလေးနဲ့ ရှောက်သီးသုပ်ချဉ်ငံစပ်လေးက သိပ်ကိုလိုက်ဖက်တဲ့ ဟင်းစပ်လေးပါပဲ.. နလံထခံတွင်းပျက်နေသူတွေအတွက် ခံတွင်းလိုက်စေမှာ အသေအချာပဲနော်..

ကြာဆန်ချက်အတွက်

ပဲကြာဆန်
မှိုခြောက်ပန်းခြောက်၊ ပဲလိပ်
ကြက်သား + ကြက်ရိုး
ငုံးဥ
ငံပြာရည်
ကြက်သွန်ဖြူ + နီ
နနွင်းမှုန့် + ငရုတ်သီးအရောင်တင်မှုန့်
ငရုတ်ကောင်းမှုန့်

ပဲကြာဆန်နဲ့မှိုခြောက်ပန်းခြောက် ပဲလိပ်တွေကို ရေစိမ်ရပါမယ်.. စိမ်ထားတုန်း ကြက်ရိုးတွေကိုပြုတ်ထား ငုံးဥကိုလဲပြုတ်ထား ကြက်သားတွေကို ပါးပါးလှီးထားပေါ့.. နာရီဝက်လောက်စိမ်ထားပြီးရင် ဆီသတ်ရပါမယ်.. ဆီပူလာရင် ကြက်သွန်နီထောင်းထားတာထည့် နနွင်းမှုန့်လေးထည့် ကြက်သွန်နွမ်းလာရင် ငရုတ်သီးအရောင်တင်မှုန့် ထည့်ပြီးမွှေးလာတဲ့အထိ ဆီသတ်ပါ.. မွှေးလာရင် ကြက်သားလှီးထားတာထည့်ပြီးလုံးပါ.. ငံပြာရည်ထည့်ပါ.. ကြက်သားလေးတွေ အရေတင်းလာရင် ကြာဆန်၊ မှိုခြောက်၊ ပန်းခြောက်၊ ပဲလိပ်တွေပါရောထည့်ပြီးလုံးပါ.. ရေခြောက်သွားပြီး ကြာဆန်လေးတွေကျစ်သွားမှ ကြက်သားပြုတ်ရည်တွေကို လောင်းထည့်ပြီးဆူပွက်လာအောင်တည်ပါ.. အိုးမကပ်စေဖို့ မကြာခဏ မွှေပေးပါ.. ငုံးဥပြုတ်နဲ့ ကြက်သွန်နီဥသေးသေးလေးတွေလဲ ထည့်ပေးပါ.. ဟင်းအိုးချခါနီးမှ ကြက်သွန်ဖြူနဲ့ ငရုတ်ကောင်းထောင်းထားတာလေး ထည့်ပြီးမွှေပါ.. အပေါ့အငန်မြည်းပြီး လိုအပ်ရင် ဆားထည့်ပါ.. အရသာရှိလှတဲ့ကြာဆန်ချက်ရပါပြီ.. ကြက်သွန်နီပါးပါးလှီးထားတာရယ်.. ငရုတ်သီးမှုန့်ရယ် ရှောက်ရည်လေးရယ်.. နဲနဲပင်လေးရယ်ထည့်ပြီး အရသာရှိရှိ သုံးဆောင်နိုင်ပါတယ်..

ရှောက်သီးသုပ်အတွက်

ရှောက်သီး
ကြက်သွန်နီ
ငရုတ်သီးစိမ်း
ငပိစိမ်းစား
ပုဇွန်ခြောက်မှုန့်
ဆား

ရှောက်သီးကိုမွှာပြီး ဆားရည်ထဲစိမ်ပါ.. ကြက်သွန်နီပါးပါးလှီးပါ.. ငပိကို မွှေးနေအောင်ကင်လိုက်ပါ.. ရှောက်သီးရေစစ်ပြီးသားရယ်.. ကြက်သွန်နီလှီးထားတာရယ်ထဲကို ငပိကင်ထည့် ပုဇွန်ခြောက်မှုန့်ထည့် ငရုတ်သီးစိမ်းညှပ်ထည့် ဆားနည်းနည်းထည့်ပြီး နှံ့အောင်နယ်လိုက်ယုံပါပဲ..

ကဲ.. အားလုံးပဲ.. မိုးအေးအေးမှာ ကြာဆန်ချက်နဲ့ ရှောက်သီးသုပ်လေး စားလိုက်ကြရအောင်နော်..

သရက်သီးငပိကြော်

မနေ့က သရက်သီးငပိကြော်လေးကြော်ဖြစ်တယ်.. ထုံးစံအတိုင်း မျက်နှာစာအုပ်မှာတင်မိတော့ ချက်နည်းလေးမေးထားတဲ့သူတွေရှိတာနဲ့ ဘလော့မှာရေးဦးမှလို့ အကြံရသွားတယ်.. သိချင်သူတွေလဲ သိရအောင်ပေါ့.. ဘာမှခက်တာတော့မဟုတ်ပါဘူး.. လွယ်လွယ်လေးရယ်..

ပါဝင်သောပစ္စည်းများ

သရက်သီးအလတ်စားတစ်လုံး (ချဉ်လေကောင်းလေ)
ဆီ ၂ကျပ်ခွဲသားခန့်
ကြက်သွန်နီ ၁ဥ (အကြီး)
ပုဇွန်ခြောက်မှုန့် လက်တစ်ဆုပ်ခန့်
ငပိစိမ်းစား ကွမ်းသီးလုံးခန့်
ငရုတ်သီးခွဲခြမ်း စားပွဲဇွန်း ၂ဇွန်းမောက်မောက်
ငရုတ်သီးစိမ်း ၇တောင့်
ဆား ဆနွင်း ဟင်းခတ်မှုန့် ငံပြာရည် အနည်းငယ်စီ

သရက်သီးကို အခွံခွာပြီး အမျှင်လေးတွေဖြစ်အောင် အရင်ခြစ်ထားရပါမယ်.. အိုးထဲကို ဆီထည့်ပြီးတည်.. ဆီပူလာရင် ဆနွင်းမှုန့် ကြက်သွန်နီပါးပါးလှီးထားတာထည့်ပြီး ဆီသတ်ပါတယ်.. ကြက်သွန်နည်းနည်းနွမ်းလာရင် ငရုတ်သီးခွဲခြမ်းပါထည့်ပြီး အဆက်မပြတ်မွှေပေးပါ.. ငရုတ်သီးစိမ်းကိုလဲ ညှပ်ထည့်ပါတယ်.. စိမ်းနံ့ပျောက်သွားရင် ငံပြာရည်နည်းနည်းလောင်းပြီး ပုဇွန်ခြောက်လေးပါ ရောထည့်ပါတယ်.. ဆီပြန်လာတဲ့အခါ ခြစ်ထားတဲ့သရက်သီးတွေထည့်ပြီး မွှေပေးပါ.. ငပိစိမ်းစားကိုလဲ ရေဖျော်ပြီး လောင်းထည့်ပါတယ်.. ပေါ့အငန်မြည်းပြီး ဆားနည်းနည်း ဟင်းခတ်မှုန့်နည်းနည်းလဲ ထည့်ရပါတယ်.. သရက်သီးတွေအိသွားပြီး ဆီပြန်လာရင်တော့ အနံ့အရသာနဲ့ပြည့်စုံပြီး ထမင်းမြိန်စေမယ့် သရက်သီးငပိကြော်လေးတခွက် ရပါပြီရှင်..း)

အားလပ်ရက်မှာ ချက်ဖြစ်တာလေးတွေ

ပြီးခဲ့တဲ့ တနင်္ဂနွေနေ့က မနက်မိုးလင်းတာနဲ့ ကျားကျားကမေးတယ်.. မိန်းမရေ ဘာချက်စားကြမလဲတဲ့.. ၀က်သားဒုတ်ထိုးနဲ့ ၀က်ခြေထောက်စွပ်ပြုတ် စားရအောင်လဲဆိုရော ဖြစ်သွားတဲ့မျက်နှာပြုံးပြုံးကြီးများ မြင်စေချင်ပါ့.. သူအရမ်းကြိုက်တဲ့ အစားအစာတွေဆိုတော့ ပျော်သည်ပေါ့..

အန်တီယူစီမှာ ဈေးသွားဝယ်တော့ ၀က်ကလီစာက များများစားစာမရှိ.. ရှိတဲ့ အူချိုလေးတွေရယ် လျှာနဲ့ အူမကြီးရယ်ပဲ ရလာတယ်.. အိမ်ရောက်တော့ ကလီစာတွေကို ဆေးကြောပြီး ဆား သကြား ပဲငံပြာရည် (အကြည် အနောက်) ခရုဆီ ငရုတ်ကောင်း တရုတ်မဆလာ စတာတွေနဲ့နယ်ပြီး နာရီဝက်လောက်နှပ်ထားလိုက်တယ်.. ၀က်ခြေထောက်ကိုတော့ တုံးတစ်ပြီး ရေနွေးနဲ့ဆေးပါတယ်.. ပြီးတော့ သကြား ဆား ပဲငံပြာရည်အချိုတို့နဲ့နယ်ပြီး အိုးထဲမှာ လှိမ့်ပေးပါတယ်.. ကြက်သွန်ဖြူထုထားတာလေးလဲ ထည့်ပါတယ်.. အခေါက်တွေနည်းနည်းရဲလာမှ ရေထည့်ပြီး မီးအနေတော်နဲ တည်ထားလိုက်ပါတယ်..

နှပ်ထားတဲ့ကလီစာတွေကို နာနတ်ပွင့်လေး ဂျင်းလေး နဲ့ ဆီနည်းနည်းထည့်ပြီး လုံးပေးပါတယ်.. ထန်းလျှက်ခဲလေးလဲ ၂လုံးလောက်ထည့်လိုက်တယ်.. နည်းနည်ခြောက်လာမှ ရေမြုပ်အောင်ထည့်ပြီး နူးအောင်တည်ပါတယ်.. ကြာဆန်တွေကို ရေစိမ်ပြီး.. မုန်လာဥနီ ဘေဘီပြောင်းဖူး ဂေါ်ဖီထုပ်တို့နဲ့ ကြော်ထားလိုက်ပါတယ်.. ကြာဆန်ကြော်နဲ့စားဖို့ အချဉ်ရည်ကိုတော့ ချီလီဆော့ရယ် မန်ကျည်းရည်ရယ်ကိုရော ငရုတ်သီးစိမ်း ကြက်သွန်ဖြူထောင်းထားတာရယ်.. ငံပြာရည် ပဲမှုန့်အကျက်မှုန့် ငရုတ်သီးအကျက်မှုန့် သကြားနည်းနည်း နံနံပင်တို့နဲ့ မော်လမြိုင်ချဉ်လေးဖျော်လိုက်တယ်.. အသားတွေနဲ့စားဖို့ကတော့ ချီလီဆော့ထဲကို ကြက်သွန်ဖြူ ငရုတ်စိမ်းထောင်းထည့်ပြီး သံပုရာသီးလေး ညှစ်ထည့်လိုက်တာပေါ့..

၁နာရီလောက်အကြာမှာတော့ ကလီစာတွေလဲနူး.. ၀က်ခြေထောက်လဲနူးပြီမို့.. ပွဲတော်တည်လို့ ရပြီပေါ့ကွယ်..

မြူးမြူးဟင်းချက်နေသည်

ကျွန်မက အချက်အပြုတ်ကို အရမ်းဝါသနာပါတယ်.. အိမ်မှုကိစ္စတွေထဲမှာ အကြိုက်ဆုံးက အချက်အပြုတ်ပေါ့.. စားမယ့်လူရှိလို့ကတော့ မီးဖိုချောင်ထဲက မထွက်စတမ်းကို ချက်နေချင်တာ.. ကိုယ်ချက်တဲ့အစားအစာတွေကို သူများတွေနှစ်သက်ကြတယ်ဆို ပျော်တပြုံးပြုံးပေါ့..

ငယ်ငယ်လေးကတည်းက အိုးပုတ်လေးတွေနဲ့ ကစားကြပြီဆို တကယ်ဟင်းချင်သလို ချက်ပြီးကစားတာ.. အိုးသေးသေးလေးထဲမှာ ဖယောင်းတိုင်မီးနဲ့ချက်တဲ့ သဲတကျိကျိ ဟင်းလေးတွေက ကျွန်မရဲ့လက်တည့်စမ်း လက်ရာလေးတွေပေါ့.. မှတ်မှတ်ရရ ပထမဆုံး ဟင်းချက်ခွင့်ရတာက ကျွန်မရဲ့ ၁၂နှစ်ပြည့်မွေးနေ့မှာပေါ့.. စချက်ဖူးတဲ့ဟင်းက ဂေါ်ရခါးသီးကို ကြက်ဥနဲ့ကြော်တာလေ.. ပထမဆုံမြည်းခွင့်ရသူကတော့ ကျွန်မရဲ့ဖေဖေပေါ့.. ဖေဖေက စားကောင်းလိုက်တာဆိုလို့ ကျွန်မမှာ ဘ၀င်တွေကိုမြင့်လို့..

ကျွန်မတို့က အဘိုးအဘွားတွေနဲ့နေတာဆိုတော့ အဘွားကသူကိုယ်တိုင်ပဲ ချက်ပြုတ်နေချင်တတ်သူမို့ မီးဖိုချောင်နားတောင် သိပ်သီခွင့်မရခဲ့ဘူး.. အဖွားဟင်းချက်နေတုန်း မီးဖိုချောင်ထဲသွားမိရင် ရှုပ်လိုက်တာဆိုပြီး မောင်းထုတ်ခံရတတ်တယ်.. ကျွန်မကတော့ ပေကတ်နေပြီး အဘွားဘယ်လိုချက်လဲဆိုတာ လိုက်ကြည့်တာပဲ.. လက်တည့်စမ်းခွင့်ကိုလဲ အမြဲချောင်းနေတာ.. ၁၀တန်းအောင်ပြီးလို့ အဆောင်သွားနေဖြစ်တော့မှ ကိုယ်တိုင် စိတ်တိုင်းကျ ချက်စားဖြစ်တယ်.. အဆောင်မှာဆိုတော့ သိပ်အများကြီးမချက်ဖြစ်သေးပါဘူး.. တယောက်စာလေးဆိုတော့ အရွက်ဟင်းလေးတွေပဲများတယ်.. အိမ်ကလဲ အခြောက်အခြမ်းလေးတွေ ထည့်ပေးလိုက်သေးတာကိုး.. အများဆုံးလုပ်ဖြစ်တာကတော့ အသုပ်တွေပေါ့.. ရှောက်သီးသုတ်.. မြင်းခွာရွက်သုတ်.. အစုံပဲ..

တကယ်တမ်း သေသေချာချာ မီးဖိုချောင်ဝင်ခွင့်ရတာတော့ စင်္ကာပူကိုရောက်မှပေါ့.. မေမေ့ကို ကျွန်မရဲ့လက်ရာလေးတွေ ချက်ကျွေးဖြစ်တယ်.. အဘွားချက်တာတွေ မှတ်သားထားသမျှ ကောင်းကောင်းအသုံးချတော့တာ.. ကိုယ်တိုင် အတတ်ဆန်းတာလေးတွေလဲ ပါတာပေါ့.. ပျက်တဲ့အခါလဲပျက်.. စားကောင်းတဲ့အခါလဲကောင်းပေါ့.. အိမ်ထောင်ကျလို့ အိမ်ရှင်မနေရာရေက်လာတဲ့အချိန်မှာ ကျွန်မက အချက်အပြုတ်ကို တော်တော်နိုင်နင်းနေပြီ.. ကျွန်မရဲ့မောင်ကလဲ ကျွန်မလက်ရာကို နှစ်သက်တဲ့သူဖြစ်နေလေတော့ မီးဖိုချောင်ကလေးက ကျွန်မရဲ့ အကြိုက်ဆုံးနေရာ ကျွန်မအနေဖြစ်ဆုံးနေရာလေး ဖြစ်လာတော့တာပေါ့.. ဟင်းတွေသာမကပဲ မုန့်ဟင်းခါး ကြာဇံချက် အုန်းနို့ခေါက်ဆွဲ စတဲ့ ရိုးရာအစားအစာတွေကိုလဲ ချက်တတ်လာတယ်..

ကျွန်မမှာ ရေးနေကျဘလော့လေးတွေ ၂ခုတောင်ရှိပြီးသားပါ.. ခုတော့ ဟင်းချက်နည်းလေးတွေချည်းသက်သက် ဘလော့လေးတခုရေးချင်လို့ ကျွန်မရဲ့ မီးဖိုချောင်ဘလော့လေးကို ဖန်တီးဖြစ်ပါတယ်.. အားပေးကြပါဦးနော်..